KULAS
ISANG araw bago ako sumampa sa barko ay umuwi ako sa amin. Hinatid ko muna si George bago ako umuwi. Ang balak ko lamang ay kumuha ng aking mga gamit tapos babalik na ako sa bahay ni George. Ihahatid kasi ako ng babae sa pier bukas.
I insisted na huwag na niyang gawin iyon pero mas matigas ang ulo ni George kaya wala na rin akong nagawa kundi ang pumayag.
Nag-park lang ako sa gilid ng daan malapit sa aming gate. Nang makababa ako ay maingat akong pumasok sa loob. Habang papasok ako ay nakita kong wala ang jeep sa garahe. Nakahinga ako nang maluwag dahil wala si Tatay kaya hindi ako mahihirapang makakuha ng gamit.
Pagpasok ko pa lamang sa pinto ay nakita ko si Athena sa sala. Kasama nito ang mga classmate niya.
“Kuya…” nagulat na wika nito nang mapansin niya akong nakatayo sa p
