Naka-uwe na rin sila sa wakas sa dating condo na tinuluyan nila ni Dylan.Sino ang makakapagsabing makakabalik pa uli silang dalawa dito?
Mabilis niyang inayos ang kobre kama ng kuwarto ni Dylan at dahan-dahan nitong binaba ang kanilang anak na mahimbing na natutulog.
Hinalikan pa ito ni Dylan sa noo ng tuluyan na nitong naihiga sa kama ang kanilang anak. Pinagmasdan niya ang kuwarto ni Dylan na halos walang pinagbago. Lahat ng mga bagay na nandoon ay siya ring mga bagay na nadatnan nila noong unang dating nila dito.
Mabining hinawakan ni Dylan ang isa niyang kamay at dahan-dahan silang lumabas ng kuwarto. Pagkalabas nila ng kuwarto ay iniupo siya nito sa isa sa mga upuan na nasa sala. Hinawi muli nito ang kanyang buhok na bahagyang nagulo d
