Kinabukasan ay pinag-usapan nila sa hapag-kainan ang magaganap na kasal nila ni Dylan. At kung maaari daw ay gusto ng mag-asawang Agusto na magarbo ang mangyayaring kasal nila. Balak daw na imbitahin ng mga ito ang importanteng mga tao sa kanilang probinsiya.
Nahulaan siguro ng mga ito na baka isang simpleng handaan lang ang gawin nila ni Dylan. Alam kasi ng mga ito na hindi niya gusto ang isang malaking handaan at hindi siya sanay. Ayos na sa kanya ang isang simpleng kasal, ang mahalaga ay makakasama na niya sa Dylan bilang asawa nito. At hindi na sila magkakahiwalay kahit kailan.
Kaya wala na siyang nagawa kung hindi ang pumayag sa gusto ng mga magiging biyanan niya. Tutal at ang mga ito naman daw ang mag-aasiakso ng lahat at wala na daw siyang iintind
