Venus Sebastian
“Venus, kakain na!” Narinig kong tawag ni Lola.
Kanina pa ako gising at nagmumuni-muni pero tinatamad pa akong bumangon. Kasi kakain na naman ako kasama ang pamilya Ibañez.
Sobrang pagkailang na talaga ang nararamdaman ko kapag kasabay ko ang pamilya ni Ace. Pakiramdam ko ay derecho na sa stomach ko ang pagkain dahil ang hirap ng lunukin. Para lang akong sampid sa hapag dahil sarili kong asawa ay hindi ko naman nakakasama kumain.
Tatlong araw na rin ang nakakalipas mula nang umuwi kami dito sa mansion matapos ang honeymoon. At simula no’n ay ramdam ko ang pag-iwas ng asawa ko sa akin.
Kapag nagigising ako ay wala na si Ace sa kama. Mabuti nga at doon niya ako pinatulog. Nagtangka kasi ako na matutulog sana sa couch at sinungitan niya lang ako at sinabi pa na baka may
