Venus Sebastian
“Miss Beautiful, nandito na po tayo!”
Nabigla ako dahil sa malakas na boses ni manong tricycle driver. Lumilipad na pala ang utak ko at hindi namalayan na nakarating na ako sa pupuntahan.
Agad akong bumaba ng tricycle at nag-abot kay kuya ng bayad sa pamasahe.
“Ang ganda pa naman pero tulala.”
Narinig kong sabi ni kuya driver bago ako iniwan mag-isa sa gilid ng palengke. Napailing na lang ako sa sarili dahil malamang na kanina pa ako tinatawag no’n at hindi ko napapansin.
Paano ba naman kasi ay naaalala ko pa ang mga eksena kahapon sa opisina habang nasa byahe. Pati na rin ang ginawa ko kay Jino na hinalikan ito sa pisngi. Nahuli kami ni Ace no’n dahil nando’n siya sa tabi ng guard. Nang tiningnan ko si Ace ay hindi ko ma-describe kung gaano ito kagalit sa nasaksiha
