25th Blood: Beg
“SINUBUKAN na naming tawagan ang iba pang Alpha ng Black Beasts, Alphiya. Hindi sila ma-kontak. Maski na si Kill ay hindi rin
namin matawagan. Magpapadala na ba ako ng tauhan para i-check sila?”
Miserableng tumango si Cattleya kay Dex. Agad-agad ay nag-utos ito sa mga miyembro ng pack na padalhan ng mensahe sina Spade, Raphael, Rain, at Kill. Ngunit hindi naalis niyon ang pangamba niya. Pakiramdam niya ay may nangyayaring mali. Pakiramdam niya’y may hindi tama.
“Cattleya… hey.” Marahang kinuha ni Kino ang kanyang kamay na tila ba pinakakalma siya nito. “H’wag kang mag-alala. Makakaya ni Seige ang mga ‘yon. Babalik siya sa ‘yo.”
Nararamdaman niya ang pag-iinit ng sulok ng kanyang mga mata. Pumorma na namang muli ang bikig sa kanyang
