Nang makarating kami sa office niya ay nauna naman siyang pumasok sa loob. Napatigil muna ako ng ilang segundo bago rin tuluyang pumasok. Nagulat naman ako nang madatnan ko sa loob sina Miss Lavender at Sir Louis kaya napangiti ako.
Mabuti nalang talaga at nandito sila dahil kanina pa akong kinakabahan kapag kasama ko si Diego.
“Isabella,” wika naman ni Miss Lavender sabay kaway sa akin habang abala sila ni Sir Louis sa pag-uusap sa couch.
Ngumiti naman ako. “Hi, Ma’am.”
May iniabot naman si Diego na folder sa akin kaya agad ko naman itong tinanggap. Walang ka sigla-sigla ang mukha ni Diego simula noong nagdaang araw kaya nagtaka ako. Hindi ko naman kasi dati akalain na hahabulin niya ako para lang sa anak niya.
“So sis-in-law...”
“Sis, what?” Naputol naman ang pagsasalita ni Sir Lou
