Nagising naman ako dahil sa mabigat na nakapatong sa binti ko. Nang iminulat ko naman ang mga mata ko ay nakita ko si Diego na nakayakap sa akin na parang bata. Napangiti naman ako sabay halik sa kaniya sa noo.
“I love you,” mahinang sambit ko at bumangon na.
Pumunta na ako sa shower para maligo kahit na pasado alas-sais palang ng umaga dahil ang lagkit ko na rin. Nang makalabas ako ay mahimbing pa rin ang tulog ni Diego kaya hinayaan ko nalang siya na matulog muna.
“Sis-in-law? Sis-in-law?”
Napalingon naman ako nang marinig ko ang ilang katok ni Sir Louis sa pintuan ng kwarto ko. Kinabahan naman ako dahil baka pumasok siya sa room ko at makita pa na nandito si Diego.
“Wait lang, Sir Louis. Just a sec!”
Dali-dali naman akong lumapit sa kama at kinumutan ang buong katawan ni Diego.
