تزوجت قاسي القلب

الفصل الثامن...

اترعب ادهم من صوت الصويت ودخل جري علي جوه يشوفني واول ما شافني كنت قاعده في ركن من البيت وضمة نفسي وبعيط قرب مني وقالي: ليلي حبيبتي انتي كويسه انا جيت اهو ومعاكي ومش هسيبك ابدا

اول ما سمعت صوته وكلامه محستش بنفسي غير وانا في حضنه وبعيط وبقول: انا خايفه اوي يا ادهم متسبنيش لوحدي خدني من هنا

رد وقالي: اهدي يا حبيبتي انا معاكي اهو متخفيش بس انتي اي جابك هنا واي المكان دا

قولتله وانا بحاول ابطل عياط: دا البيت اللي اهلي لاقوني فيه وانا صغيرة لما بتخنق وبتعب وبجيب اخري بجري علي هنا

اتصدم ادهم من اللي سمعه وقال: نعم يعني هما دوال مش اهلك الحققيين وهما اللي مربينك بس

رديت وقولت: ايوة هو انت مكنتش تعرف انا افتكرت انك عارف يوم كتب الكتاب مختش بالك من الاسم المختلف

رد بحزن: انا اصلا محضرتش كتب الكتاب يا ليلي انا جيت في الاخر بعد ما كل حاجه خلصت وتمت

قولتله: ولا يهمك بس انت عرفت طريقي ازاي وجيت ليه انا ريحتك ومشيت وسيبتك لحياتك

رد وقالي: انتي خدتي حياتي معاكي يا ليلي مين سمحلك تسبيني وتمشي انا مطلبتش دا ليه بتتصرفي من دماغك انا عايزاك تفضلي معايا

اتصدمت من كلامه بس فجاه محستش بنفسي واغم عليا بين ايدها اتخض عليا وشالني وطلع بيا علي بيتنا وكانت امي مستنيه هناك لانها كامت قلقانه ولبست وراحت البيت تستني ادهم وطلع دخلني اوضتي وامي حاولت تفوقني ولما فوقت واطمنت عليا نزلت تحضرلي لقمه اكولها..

في اوضة ريم كانت قاعده وبتفتكر احمد وبتضحك ودحلت عليها ام ادهم وقالت: طمنيني عليكي يا بنتي عامله اي دلوقتي بقيتي احسن

رديت وقالت: ايوة يا حبيبتي احسن بكتير الحمدالله طمنيني عليكي انتي

قالتلها: الحمدالله يا بنتي عايزة اخد رايك في حاجه الدكتور احمد طلب ايدك انتي اي رايك

فرحت ريم جدا بس ات**فت وقالت: اللي تشوفه طبعا انتوا عارفين مصلحتي اكتر مني بكتير وانا بثق في رايكوا

رديت وقالت: يبقي موافقة بدام ات**فتي كدا خلاص يا حبيبتي ربنا يتمملك علي خير هبلغه موافقتك وان شاء الله كل خير

نزلت ام ادهم ليحي عشان تبلغه موافقة ريم وساعتها الباب خبط وجه ابو مصطفي علي حسب المعاد اللي متفقين عليه ورحبوا بيهم ونزل مصطفي وريهام وسلموا عليهم...

بداء كلام يحي وقال: انا مكنتش اعرف انه ابنك والله ساعتها مكنش كل دا حصل وكونا عملنا فرح بدل استعجالهم دا

رد ابو مصطفي وقال: هو مصطفي مش بيحب يستعرض مركزه وبيحب يعمل كل حاجه لوحده من غير حد خالص

رد مصطفي ساعتها وقال: حضرتك عارف كويس اني مش بحب الناس تعاملني معامله خاصة عشان بس ابنك وبحب اعتمد علي نفسي وان اهل عروستي يوافقوا عليا عشان نفسي مش عشان ابن حضرتك

فرحت ريهام جدا بكلام مصطفي وندمت انه كانت بتفكر في واحد زي امجد دا وبصيت لمصطفي بحب وقالت: حقيقي يا عمي تسلم تربيتك لمصطفي انا متشرفه بيه جدا انه جوزي ربنا يخليك ليا يا رب

فرح مصطفي جدا بكلام ريهام اللي اول مره يسمعه وقرر يتكلم في موضوع الفرح: طب انا بعد اذنكم عشان صحابنا في الجامعه وعشام شكل ريهام فعايز علي اخر الاسبوع نعمل فرح ونعزم الكل

الكل رحب بالفكرة وقرروا يعملوا الفرح وخطوبة سمر في نفس اليوم وتبقي الفرحه فرحتين زي ما بيقولوا كدا...

في مكان تاني بره البلد كان بابا قاعد مع ناس شكلها غريب وقاعدين يتكلموا وواحد قاله: هتعمل اي يا سيد انت هدخل البضاعة دي ازتي الحكومه مفتحه عينها الفترة دي انا مش عايز اخسر البضاعة دي بملايين

رد وقال: متقلقش يا باشا انا هعرف اتصرف بس المهم نسبتي لازم اضمن حقي برضو دي حاجه متزعلش حد

الراجل رد وقال: يا عم متقلقش احنا امتا قصرنا معاك يا سيد بس المهم هتعرف تصرف البضاعة دي عندك ولا عايز مساعده

ضحك وقال: وانا امتا احتاجت مساعدتكم يعني متقلقش كل حاجه وليها صرفه المهم جهز الحاجه وهاتها لان طيارتي بليل

رد وقاله: تمام يا سيد ساعتين والبضاعة تكون عندك وبالتوفيق يا برنس سلام

اول ما مشيوا قعد سيد يفكر وعايز ينفذ خطته وياخد البضاعة كلها لحسابه وميعرفش ان الناس دي مستحيل تسيب حقها مهما حصل والنتيجه مش هتكون مرضية خالص...

في دار الايتام كانت ايمان بتتمشي في الجنينه وبتتف*ج علي الورد لحد ما خبطت في عمر وقالت: انا اسفه معلش مختش بالي والله

قالها: ولا يهمك انتي تعملي اللي عايزاه يا ايمان بس قوليلي انتي سرحانه في اي بقي مين واخد عقلك لدرجادي

ابتسمت وقالت: محدش طبعا بس انا بحب الورد ومنظره يخ*ف النظر وعشان كدا كنت سرحانه فيه وفي جماله

رد وقالها: بس انا مش شايف اجمل منك هنا يا ايمان نفسي اعرف بترفضيني ليه هو انا وحش لدرجادي

رديت بسرعه وقالت: لا خالص يا عمر انا مش قصدي بس الحكاية ان يعني

فجاه جت انتصار عليهم وزعقت وقالت: انتي سايبه شغلك واقفه تحبي هنا مش قولتلك مية مره ملكيش دعوة بعمر

رديت بسرعه وقالت: والله يا مدام انتصار انا مليش دعوة بيه كنت معديه وخبط فيه بالغلط وكنت لسه همشي

قالت: انا بحظرك لاخر مره يا ايمان واعملي حسابك دورك في الجواز قرب يعني اجهزي ويلا اجري علي شغلك

مشيت ايمان وهي مرعوبة وبتعيط وساعتها عمر زعق وقال: وبعدين معاكي يعني مش قولتبك بلاش زعيق في البنات هما مش ناقصين

رديت وقالت: تعرف يا عمر رغم انك شغال هنا بس حنيتك دي اللي خلتني احبك وبغير عليك اعمل اي يعني

جه عمر يرد بس انتصار تلفونها رن وسابته ومشيت عشان ترد بعيد وعمر استغرب اوي وحاول يروح يسمع بتكلم مين...

رديت انتصار علي التلفون وقالت: ها طمني عملت اي وهتيجي امتا البضاعة لازم تيجي في اقرب وقت الناس مش ساكته تمام مستنياك

قفلت واتن*دت وكملت شغلها وعمر مشي وهو بيفكر ياتري كانت بتكلم مين واي حكاية البضاعة دي لازم اعرف في اقرب وقت..

بعد ما امي خلتني اكل غصب عني واطمنت عليا استاذنت ومشيت عشان اخواتي وفضل ادهم قاعد جانبي وكان نفسي اساله علي اللي قاله بس كنت م**وفة جدا لاقيته قام خرج ارتخت شوية من نظرته ليا..

بس بعد شوية لاقيته رجع وهو مغير هدومه وقولتله: في اي يا ادهم انت نسيت حاجه هنا اقدر اساعدك في حاجه

قالي: لا يا حبيبتي خليكي مرتاحه انا بس كنت بغير هدومي وجاي عشان انام تعبان جدا ومحتاج ارتاح شوية

استغربت وقولتله: هو انت هتنام هنا ولا اي يا ادهم روح اوضتك خليني انام بقي وبطل هزار

لاقيته قرب ونام جانبي وهو بيضحك وقالي: لا انا مش بهزار يا حبيبتي انا من هنا ورايح مش هنام غير هنا وفي حضنك كمان يلا بقي

اتصدمت وقومت قعدت علي السرير وقولت: لا انت اكيد بتهزار انت اي حصلك يا ادهم مالك انت سخن ولا حاجه عايز تنام جانبي

رد وقال: وفي حضنك كمان يا روحي ومش سخن ولا حاجه بس مراتي وعايز انام جانبها مش عيب ولا حرام فين المشكلة بقي

رديت وقولتله: انت اي اللي غيرك كدا يا ادهم ناويلي علي اي تاني انا حقيقي مبقاش فيا حيا لحاجه تاني بالله عليك

شدني في حضنه وقالي: ممكن تهدي انا مش هعمل حاجه ولا عايز حاجه غير وجودك معايا وفي حضني يا ليلي انا اكتشفت انك حاجه غالية اوي عندي ومقدرش استغني عنك

قولتله وانا بعيط: بس انا ليلي بنت الفقراء الزبالة اللي كل همها الفلوس واللي متشرفكش تكون مراتك مش دا كلامك

اضايق ادهم اوي من نفسه وقال: انا اسف يا ليلي عارف اني غلط بس كان غصب عني والله حقك عليا وانا وعدتك وبوعدك تاني من هنا ورايح انتي مراتي وروحي وكل حياتي ومفيش حاجه ممكن تبعدك عني ابدا انتي فاهمه

فرحت جدا من كلامه وحضنته اوي ومحستش بنفسي غير تاني يوم واكتشفت اني نمت كل دا في حضنه من غير ما احس وكان شكله جميل اوي وهو نايم فضلت مركزه في شكله ورموشه الطويله وفجاه لاقيته فتح عيونه...

وقال: هو انا حلو لدرجادي بقالك ساعه مركزه معايا مالك في اي هتكليني بي عيونك

ات**فت اوي وجيت اقوم شدني لحضنه وقال: بقولك اي متيجي اقولك كلمتين سر اصلك بصراحه وحشتيني اوي

ات**فت وقولتله: ادهم بقي لم نفسك شويه واوعي سبني اقوم احضرلك الفطار عشان الشغل

رد وقالي: شغل اي بس هو انا معرفتكيش انا خدت اجازة من الشغل عشان اقضي الكام يوم دوال معاكي وعشان خطوبة سمر وفرح ريهام امي كلمتني وعرف*ني

قولتله: بجد طب كويس الف مب**ك ليهم يا حبيبي ربنا يفرحهم ويسعد قلبهم ويتمملهم علي خير يا رب

بصلي وهو بيضحك وقال: طب مناسبة حبيبي دي الكلمتين بقوا موضوع كبير ولازم يخلص دلوقتي تعالي بس..

في بيت يحي وصل اهل احمد وقعدوا يتكلموا ويتفقوا وعشان احمد مستعجل قرروا يعملوا فرح ريهام وريم سوي وريم فرحت اوي بالقرار دا واستاذن احمد يحي انه يقعد مع ريم شوية في الجنينه ووافق...

بداء احمد الكلام وقال: ريم انا مبسوط اوي ان كلها يومين وتبقي مراتي وتنوري بيتي بجد متعرفيش انتي عندي اي

ابتسمت ريم ب**وف وقالتْ: انا عايزة اسالك سؤال ليه كل الاستعجال دا واشمعنا انا بجد

رد وقال: بصي يا ريم انا مستعجل عشان عايزاك حلالي ومش عايز ابقي مقيد بالكلام معاكي اما اشمعنا انتي فدي هجوبك عليها بعد كتب الكتاب المهم تكوني انتي موافقه

رديت ريم وقالت: بدام اهلي موافقين فانا كمان موافقه انا مليش غيرهم وهما عرفين مصلحتي اكتر مني

رد وقال: ربنا يخليهم بجد بس انا عايز اعرف حاجه انتي فين اهلك الحقيقين يا ريم

اضايقت ريم وقالت بحزن: اهلي اتوفوا من زمان في حدثة ومن ساعتها وانا عايشه مع خالتي هنا ومعتبرني زي بنتها

حس احمد بزعلها وقال: بكره يا حبيبتي تنوري بيتي واكون اهلك وسندك وضهرك واعوضك عن كل حاجه

فرحت ريم اوي بكلامه وقالت: ان شاء الله يلا بقي ندخل احنا اتاخرنا اوي

وصل بابا البيت وكان قدر يدخل البضاعة وخبها كويس ورجع البيت عشان يرتاح شوية واول ما دخل قال: انتي يا ولية انتي فين متردي هفضل انادي عليكي كتير

قالتله: انا هنا اهو بتزعق ليه مالك حمد الله علي سلمتك جيت بدري يعني المرادي

رد وقال: اي مكنتيش عايزني اجي ولا اي قوليلي البت بنتك عامله اي مع جوزها متعرفيش عنهم حاجه متنطقي

قالتله: متسيبها في حالها عايز منها اي تاني سيبها تعيش حياتها مع جوزها

رد وقالها: انا مش عارف تعب نفسي وبتكلم معاكي ليه هروح اتصل بيها... وفعلا اتصل بيا كذا مره وكنت مرعوبة ارد خدت التلفون ونزلت الجنينه ورديت..

لاقيته بيقولي: ها يا هانم عملتي اي كتبلك حاجه باسمك او اداكي فلوس ولا هببتي اي يا نحس

رديت بخوف وقولتله: لسه يا بابا بس ان شاء الله قريب متقلقش هنفذلك كل طلباتك

رد وقالي: ياريت احسنلك اوعي هخليكي تقراي الفاتحه علي امك واخواتك

اتصدمت وقولتله: انت بتقول اي هي وصلت لاموت كمان لا بالله عليك انا هنفذ كل حاجه

قالي: ايوة كدا اعقلي وياريت تنجزي كل تاخير هتندمي عليه سلام يا قطة

قفلت وقعدت علي الارض اعيط ومش عارفه اعمل اي انا بحب ادهم ومستحيل اخدعه مهما حصل بس اعمل اي دا هيقتلهم ملقتش غير حل واحد بعد الفرح انا هصارح ادهم بكل حاجه..

في النادي كانت منار قاعده مع واحد وبيقولها: وبعدين يعني يا منار يعني الفقيرة دي خدته منك وكل خطتتنا باظت

رديت وقالت: مين قال كدا ادهم في جيبي اما سايبه يتسلي شوية بس مش اكتر لكن هو بتاعي انا وبس ومستحيل يبصلها

رد وقالها: مين قالك كدا دي مش بعيد تكون وقعته وسلم ليها وكلها شوية وقت وتلاقيها حامل وتجبله عيل عشان تربطه جانبها

اتصدمت منار وقالت: ينهار ابيض هو دا ممكن يحصل بجد يا زين لا مستحيل ادهم مش هيقربلها اصلا

ضحك زين وقال: انتي هبله ولا اي واحد وواحده لوحدهم في بيت كبير وكمان مراته وحلاله والشيطان تالتهم وتقوليلي مش هيلمسها انتي بتستهبلي ولا اي

اتعصبت منار اوي وقالت: والله دا لو حصا لاقتلها ادهم ملكي انا وبس ومستحيل اخليها تتهني بيه وبفلوسه ابدا

ضحك زين وقال: للحظه فكرتك بتحبيه بجد وغيرانه عليه بس اهو انتي دلوقتي منار حبيبتي احنا مش عايزين غير فلوسه وبس فشدي حيلك شوية بقي احسن يطير

رديت وقالت: خلاص انا هتصرف متقلقش وكل حاجه هترجع زي الاول واحسن كمان

كانت ريهام وريم قاعدين مع سمر وريهام قالت لسمر: متاكده يا سمر من اللي هتعمليه انتي حته متعرفيش اسمه ولا شكله ولا بتحبيه

رديت سمر وقالت: مش مشكلة اهو عريس زي اي عريس والحب هيجي بعدين

رديت ريم وقالت: مش كنتي وافقتي باخويا يا سمر مش كان احسن ليكي

سمر اتعصبت وقالت: قولتلك يا ريم مية مره اما مستحيل اوافق باخوكي عن اذنكم عمتي بتنادي عليا...

نزلت سمر لتحت وام ادهم قالتلها: سمر يا بنتي العريس بره وعايز يكتب الكتاب النهارده واهو بكره يبقي فرح زاي اخواتك

استغربت سمر وقالت: هو ليه مستعجل كدا... وفكرت شوية وقالت: مش مهم يا عمتي انا موافقه مفيش مشكله

قالتلها: متاكده يا سمر يا بنتي فكري كويس... رديت وقالت: فكرت يا عمتي وموافقه متقلقيش عليا انا عارفه بعمل اي كويس

قالتلها: ماشي يا بنتي خليكي هنا شوية عشان العريس هيكتب وعايز يجي يشوفك..

وفعلا اتكتب الكتاب علي ع** ريم لان تحمد قرر يكتب في الفرح وبعد شوية دخل العريس لسمر وكانت واقفه بضهرها قرب منها وحضنها وقال: اديني وفيت بوعدي اهو وبقيتي مراتي..

اتصدمت سمر ولفيت بسرعه وقالت: محمود..

ياتري اي البضاعة اللي سيد بيتاجر فيها واي علاقته بدار الايتام وياتري امجد هيعمل اي في فرح ريهام واي هيكون رد فعل مصطفي وسمر ناوية علي اي بعد ما لاقيت العريس هو محمود بنفسه... هنعرف الحلقات الجايه.... انتظرونا بقي....