انتقام ملك

الاقتباس الرابع

عند ملك استيقظت قبيل الظهر فهذا اليوم كان شديد الصعوبة عليهم جميعا

اخذت ملك تهز اعصار بعنف متحدثة:اعصاااااار......... زفتاااااااا

قامت اعصار بفزع مردفة بصراخ: يامااااااا....... هعمل حااادثة

اما عن ملك فكانت تضحك بصخب حتي المتها معدتها من كثرة الضحك.

اخذت ملك تضحك ثم تحدثت بضحك:يا بنتي اهدي حادثة اي بس

تنفست اعصار الصعداء متمتة:الحمد لله..... تخيلي كنت سايقة طبق مكرونة بالكبدة في الحلم وكنت هعمل بيه حادثة

كادت ملك ان تنفجر من كثرة الضحك، ثم توقفت عن الضحك بصعوبة.

وقالت:لازم تتصلي بعشق حالاً

اعصار بقلق وقد عاودها الخوف:ح.... حاضر

اتصلت اعصار بعشق وانتظرت الرد حتى جائها صوت عشق القلق:اعصار... ملك عاملة اي

اعصار بهدوء وصوت خافت:تعالي بسرعة الاوضة اللي احنا فيها من غير ما اسماء تاخد بالها

عشق وهي تنظر لاسماء النائمة:تمام بس في اي

اعصار:لما تيجي هقولك تعالي وبطلي رغي يلا

ثم اغلقت الخط وتوجهت نحو غرفة ملك ولكن اصطدمت بآسيا في طريقها

اسيا:عشق كنت جايالك اي النوم دا كله

عشق:اصل الثانوية مكنتش بتنيمنا فبنعوض النوم

اسيا:قلبي معاكي اومال فين ملك وهيا عاملة اي

عشق بتوتر اخفته ببراعة:الحمد لله...... رايحة اشوفها ضغطها بس وطي امبارح فجأة وهي بتمشي في الجنينة

اسيا:الف سلامة هروح اخد شاور واجيلكوا ننزل نقعد مع جدو شوية.

عشق:اوك...... صح بعد ما تخلصي شاور صحي اسماء

اسيا:تمام

ماذا سيحدث ياترى؟؟؟؟؟

*******************************

رايكوا في بارت النهاردا ياقمرات

فوت ياقمر ياللي بتقرأ ?

لقيت نفسي فاضية فقولت اكتب البارت حالا بدل بالليل ?

(بسم الله، نبدأ).........

*******************************"كان قلبي اصغر من ان يتحمل كل هذا الكم من الخذلان"

دخلت عشق غرفة ملك واعصار، وجدت ملك تجلس على الفراش بينما اعصار تجلس على الكرسي المقابل لها في **ت

قطع **تهم عشق التي اردفت بقلق:اي في اي

ملك بهدوء وهي تشير للكرسي:اقعدي

عشق:اي شغل المخابرات دا في اييه اخلصوا

ملك:اسر الدمنهوري

عشق:ماله..... البارد ابن الباردة دا

اعصار بمرح:بارد بس قولي المحيط القطبي الجنوبي او قارة انتركتيكا بحالها

ملك:اعصار مش وقته

عشق:انجزوا بقاااا انتو هتقعدوا تشقطوني لبعض كتير اسيا زمانها جاية

ملك بنفس عميق:عايزا انتقم من آسر

عشق بصدمة:ملك انتي بتهزري اي الهبل اللي بتقوليه دا ثم انك يا انسة معيشاني في حالة رعب من امبارح عشان تقوليلي الهزار دا

اعصار:اهدي يا عشق ملك مش بتهزر

عشق:يعني اي عايزا افهم

ملك:اسر قتل بابا.... وامي ماتت بسببه وكل حاجة حصلتلي في حياتي لحد حالا بسببه

عشق بزهول:لأ ثواني..... ملك انتي في وعيك.... اي الكلام اللي انتي بتقوليه دا

ملك وقد بدأت تزرف الدموع:موافقة؟؟؟

شردت عشق قليلا حتى فاقت علي صوت اعصار :هاااا

عشق بتردد:انتو عارفيني عادي.... بس دا اسر الدمنهوري يعني لو عرف هيقتلنا وهيقتل اي حد من ريحتنا

ازدادت نبرة ملك قوة مردفة:حتى لو قتلني هبقى اخدت حق ابويا..... وبعدين لازم استغل الاسبوعين دول ومن غير ما سليم واسماء يعرفوا حاجة.

اعصار:طب وهنعمل اي

ملك:مش عارفة

عشق:انا عندي الحل..............................

اعصار:لا فكرة عظمااااا شابوه ليكي بجد (افتكروا الحتة دي كويس)

تُرى ماهو الحل؟؟؟؟؟

*******************************

دلفت اسيا واسماء الي غرفة ملك

اسيا: انتو لسة ملبستوش يااااحوستي

ملك:بالله عليكي في واحدة في كلية آلسن تقول ياحوستي

اسماء بضحك:لا في حاجات اجمد بكتير زي ياسطا وسلاموز واشطا و ياحب دي اسيا طلعت موهوبة دي ورتني كل مواهبها وروح السرسجي اللي فيها امبارح

اعصار بطريقة مضحكة:حبيبيييي ياابووو الصحاب خش في حضن اخوك يافواز

عشق بمقاطعة:يلا يا ماما انتي وهيا عشان نلبس وننزل

اسيا:اه الله يستركوا لازم تبقوا متجمعين تحت بسرعة آسر مش بيحب التاخير

تدخلت اعصار: احم.. احم.. اسيا هوا انا ممكن اطلب من طلب صغنن كدا

اسيا:طلب واحد بس اطلبي 10 انت تؤمر يا جميل

نظرت ملك وعشق لإعصار مشجعة اياها

اعصار:بصي هوا انا عايزا اشتغل وكدا.. لو يعني ممكن تكلمي حد عندكوا في الشركة اشتغل عنده ان شاء الله لو عاملة نظافة حتي

اسيا:لا طبعا ازاي تقولي كدا انا هكلم جدو او ابيه فهد متقلقيش

جاءت اسماء متدخلة:بس انتي هتشتغلي لي يا اعصار دا سليم مش حارمنا من حاجة

اعصار بحرج:محتاجة شغل ضروري وكمان سليم مش هيفضل يصرف علينا العمر كله

اسيا بضحك:اوعي يااابت تكوني ناوية تشقطي مدير الشركة زي الروايات كدا وتديله قلم يجوزك عشان ينتقم منك وبعدين يقع في حبك

اعصار:لا بعون الله هوا هيخبطني بعربيته وبعدين اهزقه فيهددني بأهلي واضطر اتجوزه ويقع في حبي واقع في حبه ونغرق سويا في بحور العشق ونخلف تبات ونبات

عشق:الله يخربيك ام محنك يا اعصار

ملك مكملة: ادي واحدة هبلة ومجنونة عايشة في ام الروايات ملناش دعوة بيها

اسماء بضحك:يلا انجزوا بقا هنتأخر بيقولك مش عارفة مين مبيحبش التأخير يعني ولا كاننا في جراند اوتيل ياختي انتي وهيا اخلصي

اسيا بضحك:مجانين انا هنزل علي ما تلبسوا... بلاش تاخير

اعصار:تمام مع السلامة يلا من غير مطرود عشان البس

توجهت اسيا نحو الاسفل. تاركة اياهم يرتدوا ملابسهم

__________________________________

عند آسر :-

خرج من الشركة وركب سيارته بغرور لايليق الا به

ومن ثم اتبعه قاسم وفهد وتوجهوا نحو المنزل:

في سيارة فهد:-

"يابني عادي والله ولا سرحان ولا نيلة" هتف بها قاسم بضيق فهذه الفتاة أثرت عليه كليا رغم انه لم لايراها الا مرة واحدة

فهد:انت متعبتش بذمتك من الكذب قول يابني دا التوينز بتاعك

قاسم بتنهيدة:قمر يافهد... قمر طير النوم من عيني وخد عقلي وقلبي

فهد بدهشة:لا ثواني افهم بس اي اللي بتقوله دا

قاسم:صاحبة اسيا يا فهد

فهد: ياعم بطل غباء انهي واحدة انت مش شايف قبيلة شرق افرقيا اللي في البيت

قاسم:معرفش عنها حاجة غير ان اسمها اسماء ومقبلتهاش غير مرة واحدة

اخذ قاسم يقص عليهم مقابلتهم الصغيرة وايضا مواصفتها حتي وصلوا الي البيت