Kabanata 46: Preparation
HABANG tinitingnan ni Denzel ang mga possibleng susuotin na wedding gown ay hindi niya mapigilang matuwa. Ang gaganda lahat ng gown at si Crim mismo ang pumili ng mga iyon upang kanya nang pagpipilian sa pinal na kanyang susuotin sa kanilang kasal. Naka-sketch pa ang lahat ngunit kitang-kita talaga kung gaano ito kaganda.
“Alam mo, nahihirapan akong pumili kasi ang gaganda ng gown. Parang exited na tuloy ako sa aking future wedding.”
“Ay sos, huwag mo munang isipin ang kasal. Kilalanin mo pa ng lubusan si Debil. Malay natin may itinatago siyang pag-uugali na ayaw nating mga babae.”
“Hoy, ang bait kaya ng jowa ka. Sinasabihan pa nga niya ako na magsimba kami. Ang kaso, ako itong hindi pumapayag.”
“Mukhang ikaw yata ang problema, a.” Natawa si Denzel kay Pulga.
