Prt. 2 Kabanata 84: Pagbabalik ni Crim Carl
KANILA pa itong kinumpirma dahil sa isip ni Denzel ay gusto pa niya ng konkretong ebidensya. Nagakad pa sila ng ilang metro hanggang sa nakita nila mismo sa kanilang mga mata ang isang malaking laboratoryo.
“Paanong nagkaroon ng ganito rito? Hindi ba dapat ay alam ito ng gobyerno?” wika ni Boyet. “O kahit man lang ng mga taga-rito.”
“Kahit kami ay ngayon lang namin nalaman na totoo pala ito. Totoo talagang may isang gusali sa puso ng gubat. Kamangha-mangha!” wika ng lalaki na kanilang kasamahan.
Sa hindi kalayuan sa kanila ay may mga taong nagbabantay. Mga lalaki lahat ito at walang kahit na anong babae. Lahat ay may hawak na armas kung makikita sila ng mga ito ay paiguradong hindi magdadalawang isip na pagbabarilin sila.
“Paano natin masas
