"IS THIS for real?" hindi makapaniwalang tanong ni Daddy. Sunod-sunod akong tumango bilang tugon sa tanong niya.
Napatitig sa akin ang mga magulang ko habang bakas pa rin sa kanilang mukha ang gulat sa narinig na plano ko.
"I will continue my study and will take business management as my course," pag-uulit ko sa sinabi ko kanina sa mga magulang ko.
Matagal kong pinag-isipan ang tungkol sa bagay na ito dahil magiging komplikado ito para sa akin kung ipagpapatuloy ko. Kapag kasi bumalik na ako sa pag-aaral ay mahahati ang oras ko lalo na't may iba akong mga gawain. Kaya napagpasyahan kong tumigil muna sa pagtatrabaho at ipagkatiwala na lang muna kay Ynah ang negosyo ng ama ko. Para sa ganoong paraan, ang atensiyon ko ay matutuon na lang sa pamilya at sa pag-aaral ko.
Natanto ko kasing hi
