"ARE you with us?"
Napakurap-kurap ako at bumakas sa akin ang pagkagulo nang marinig ko ang boses ni Mommy. Nagkasalubong ang kilay ko nang makita ko ang naguguluhan niyang ekspresiyon sa mukha.
Napalunok ako at iginala ang tingin sa paligid. Nakagat ko ang ibabang labi nang mapansing pati si Daddy at Creios ay nakatuon ang atensiyon sa akin. Doon ko lang naalalang nag-aagahan pala kami at bigla na lang ako natulala sa kawalan.
"Are you okay? May sakit ka ba?" nag-aalalang tanong ni Daddy.
"Mommy, you don't look okay po," komento naman ni Creios.
Nahihiyang ngumiti ako sa harapan nila. Napakamot pa ako sa batok ko sa sobrang hiya.
"Ayos lang ako," sabi ko.
Mukhang hindi kumbinsido ang mga magulang ko sa sinabi kong 'yon, pero kinalaunan ay tumango na lang kaya bumalik na kami sa pag
