TINOTOO nga ni Xander ang panunuyo kay Shania. Nanliligaw ito kay Shania kahit magkasama sila sa bahay at halos araw-araw ay may binibigay itong bulaklak sa kaniya, niyayaya siyang makipag-date at pinaglulutuan pa siya kapag hindi sila abala sa trabaho. Hindi akalain ni Shania na ganoong ka-effort ang asawa kapag nagkakagusto sa isang babae at ang isa pa sa ikinakatuwa niya at nagpapakilig kay Shania ay ang pagiging malambing nito.
Kung noon na naging malapit sila ay pagyakap at minsan hinahalikan siya nito sa labi ang ginagawa nito ngayong naging bukas ito sa nararamdaman sa kaniya ay mas naging malambing ito sa kaniya. Sa paggising sa umaga ay hinahalikan siya nito sa pisngi at noo dahil ayaw niyang munang magpahalik sa labi at palagi rin itong nakayakap sa kaniya kapag may pagkakataon.
