Kanina pa nakatitig si Rick sa notebook. Hawak na rin niya nang mahigpit ang ballpen at handa nang isulat ang anumang nais niya. Kagabi pa niya naisip ang puwedeng mapasakaniya sa pamamagitan lang nang pagsulat nito sa wishlist number 4.
Subalit, hindi niya maintindihan ang sarili dahil isang oras na ang nakalipas pero hindi niya pa rin magawang isulat ang magkaroon ng sariling business. Hindi sa iniisip niya ang gustong business na maaari niyang patakbuhin kung sakali, hindi iyon. Sa dami ng pinagdaanan at mga naging trabaho niya sa murang edad e, kaya naman siguro niya kahit ano pa man ang ibigay ng wishlist.
Iba ang iniisip niya.
Ano naman kaya ang kapalit? May mamatay na naman ba?
Binitawan niya ang ballpen at notebook. Tumayo mula sa pagkakaupo sa sofa at mabagal na naglakad-laka
