Hinihingal na isinara ni Rick ang pinto at maliksing binuksan ang lahat ng ilaw. Kaunting oras na lang kasi ang natitira sa kaniya at kailangan walang masayang kahit isang minuto. Hindi na niya iniakyat sa higaan ang matanda, tutal may mga nakahiga sa nasabing higaan at isa pa gahol na nga siya sa oras.
Inayos niya ang pagkakahiga nito sa lapag at hinagilap ang mga kagamitan para sa pag-eembalsamo. Nakita niya ang mga ito sa isang lamesa sa gilid at mukhang hindi pa ito mga nahuhugasan. Subalit, hindi man lang nakaramdam ng anumang pandidiri si Rick bagkus ay pagmamadali sa oras ang tangi niyang naiisip sa mga sandaling iyon.
Alam niya ang gagawin kahit paano dahil minsan ay naging assistant din siya ng embalsamador, subalit tatlong buwan lang ang inabot niya dahil hindi niya kinaya. Hin
