عشق

الحلقه ٩

عشق

ماكدرت ابقه اكثر بعد رغم اصرار الكل خليت بيبي عذر وكونه مريضه ولازم ارجع

وبالاخير رجعت

بيبي مره جبيره مابيه حيل تشيل روحه اجتي خطيه يمي

وام صلاح همات بس نومت اليل تروح البيته

وصيته ممنوع تفتح الباب لزياد واني بالبيت

بوقته جنت اروح اني وشهد صديقتي للمضاهرات وهم باقي الشله الي ويانه

مفرزه طبيه خاصه الدوام الجامعات تاخر بسبب المضاهرات والوضع والكل مسوي اضراب

طبعا اني يوميه اتواصل ويه فنار ومنار وعذراء

مرت الايام. وطلعت القبولات. وعذراء انقبلنه جامعه التكنولوجيا. منار نقبلت طب عام. بغداد. وفنار نقبلت صيدله جامعه البصره.

ماعرف ليش ساهر كيف من سمع قبول فنار صيدله بصره

كل ما يجي طاري فناريكوم ييوزع صفنات وبتسامات.

طبعًا. اهل عذراء ومنار جانو ماعجبهم يكعدون قسم ومتخبلين من السالفه وبالف يا علي كدر ابويه وامي يقنعوهم يكعدن. ويانه بالبيت بحكم. ساهر اصلا من يبلش. الدوام. يروح للبصره. بابا اصلا ليل يله يجي.

كلولهم احنه من عفنه بتنه شهر يمكم خليناها بدون تفكير. ليش انتو. تعاندون

وراها كدر يقنعهم ابويه.

بس بعد. مجان اكو دوام الوضع مشحون ومضاهرات اني جنت اروح اني وجماعتي مفرزه طبيه بساحه التحرير

جان الوضع مو تمام والشغب هجموا علينه شويه. واشوف واحد ملثم ساند كرار ابن عم الشيخ احمد

من وصل يمنه عرفته هذا الشيخ وهب بس سويت روحي ماعرفه من وصل يمي صفن بيه اني سويت روحي ماعرفه وضليت افحص بكرار وسويله اسعافات اوليه وهو رغم اصابته قويه يحشش ويضحك واكيد السيد وهب منطلق ماعرف اني منو لان جنت لابسه كمامه وجراويه تبادلنه الارقام وماعرف ليش انطيته رقمي يعني اني معاديه كل جنس ادم وهل رجال مافك حلكي وياه الي ويايه

كالو

- ترى جرحه مو مال سعافات اوليه والنزف مجاي يوكف خلي ننقله للمستشفى

وهب

ماشي ننقله بس خلي الكالي طريقه شي اوصل سيارتي لهنانه لان مكانه بعيد

همه جانو يسولفون اني سيارتي بصف الخيمه مال المفرزه جبته وكتلهم يله صعدو عاد اخذته للمستشفى وخابرت ساهر كتله جماعتك بالمستشفى قبل منطلع من المستشفى. وصل ساهر

اني عفته ورجعت للساحه التحرير قبل ميطلعونه كملت ويه جماعتي ورجعت ب 6:30 للبيت

جنت ميته تعب الشغالة مسويه عشه واني صعدت ركض للحمام سبحت وكملت ونزلت لابسه شورت وتعلاكه وخليت عليهم روب صوف عاد صبتلي. الشغاله اكل ونضفت المطبخ وكالت واني بعد ماكدر اتاخر. بناتي وحدهن تاخرت

عاد هيه راحت اني بقيت وحدي تعشيت وكملت ونضفت المطبخ. وفتحت التلفزيون وكعدت اتف*ج عليه. واكلب بتليفرني نزلت كم صوره الي ماخذتهن بساحه التحرير.

تليفوني مابي شحن ادور عل شاحنه ماكو ختفت وين راحت

اكيد ساهر اخذه هل بشر مدري شعنده ويه شاحنتي

رحت لغرفته طبيت واني مندمجه واسوي سلميه سلميه وماخذه راحتي واشوف وهب بس بالمنشفى كدامي ضليت صافنه بيه مثل الصنم شهل جمال شهل جسم

بعدين حسيت على روحي عمه بعينج عشق

هو رفع حاجبه بمعنى شنو عاجبج المنضر

اني درب الفلته من شردت انضربت رجلي بالتخم الي مخلي ساهر بالغرفه

بس لو مخلوعه ماحس بيه من الفشله

خرب شرفك ساهر غير تكول اكو احد بالبيت

وهب

ساد الضلم بالبلد وضاع حق الغني والفقير. لا خدمات لا اهتمام بالمواطن لا تحقيق لمطالب.

والحكومة همه ودينه تبوك فلوس الشعب.

صار الوضع بعد لا يطاق. ولازم ننهض للتغير جانت ثورته سلميه. ونطينه دم وشباب وعبالك احنه مو ولدهم مو لد هذا الشعب.

احنه ( العراق ) بس صرنه. ارض يصارع عليه الذئاب. ايران من جه وأمريكا من جه. والكل يريد حصه. مرت ايام صرنه. ارض معركه امريكا منه تقصف ايران بالعراق . وايران اترد عله امريكا بالعراق

صار الحمل الجبير علينه احنه الشيوخ وخاصه الشباب احنه ثرنه اكثر من الكبار.

بيوم عفنه ساحه الاعتصام بالبصره وتوجهنه لساحه التحرير. الي جانت هيه مقر الثوره جان لازم. نسندهم بكل شي من مال وكفه

كوني شيخ عشيره وطلعتي بهيج موقف تمثل رضه جدي بالموضوع. حتى لو جان جدي ماقابل بدايه الامر بس بعد فتوى السيد علي السيستاني لا جدي صار يدعمنه بنفسه.

بيوم من الايام. جنت اني وكرار بساحه التحرير وتقدمنه. هوايه عل قوات شغب. وضربونه

واجت الاصابه كرار من شفت دمه امدي اروح ادخل لخضراء انتحاوي وانعل بهاتهم هل ضالمين متبري منهم الإسلام.

اخذته وتوجهت للمفرزه الطبيه. طبعًا جانن النساء مشاركات ويانه بالمضاهرات. واكو بيهم الي خسرت اخ ولي خسرت زوج ولي خسرت ابن يعني اغلب الي موجودين همه ضيمهم اكبر من هل بلد كله. خلصت طاقت تحملهم

وطلعو يهتفون ( صوت المره ثوره مو عوره)

والله بوكته. لعنه ابو الرجوله الي تخلي نسوان العراق تطلع من الظلم تتدافع. ويه الزلم وتريد حق

ولكم شنو وشلت الغيرة ماظلت برؤوسكم. غيره من أنعل ابو المناصب الي تخلي الرجال يشوف مره تهتف بنص شارع ودمعه بعينه تريد حقه وحق اهله

بهل ايام الي بقينه بيه بساحات الاعتصام. شفت ناس يمكن الظلم يمهم يدنك راسه كد ما مظلومين.

يعني ابنيه. تحجي بضيم وقهر حلوه ومرتبه مبينه مو حي الله وحده واكو ظعاف نفوس. مندسين بينه يحاولون يشوهون صورًت المصاهرات.

عاد كتله خويه ماعدج احد يطلع يطالب بحقج غيرج. كالتلي خويه ابوي مات بحرب ايران واخوي استشهد بحرب داعش. وهل كدامك عندي دكتوراء بالغه ألعربيه. الله وكيلك يجي راس الشهر اضل حايره منين اجيب لكمت اكل لامي المسكينه

وبعد وبعد حالات من الشباب الي راحو ون*در دمهم دون ذنب كل الي سووه طالبو بحقهم

المهم اني اخذت كرار للمفرزه. جانت متكونه من شباب وبنات غلبهم طلاب جامعات بس لفت انتباهي بنيه شعرهه اسود عبالك ليل صح ماشفت وجهه لان كامه لابسه ولافه جراويه بس لنتبهت حيل مهتمه لامر كرار وتشاقه وياه اني ماتهمني هيج نوع من البنات بس تبادلنه الارقام عادي مو شرط اتواصل وياها

وراها فضلت علينه واخذتنه بسيارته للمستشفى كون سيارتي بعيده

وختفت بعد ماشفناها بس استغربت جيت ساهر لان مايدري بالصار اني التهيت بكرار

وهو قفل اله نروح لبيته

عاد من وصلنه كال اخذو راحتكم البيت فارغ مابي احد

ماعرف ليش ضجت وكان جنت منتضر اشوف هل بلوه ادري شبيك وهب

وراها كتله اريد اسبح وصلني لغرفته كال لبين ماحضرلك غرفه قابل تبقون بالستقبال

جنت سابح وتوني طلعت من الحمام رفعت راسي واشوف هل بلوه لا وتغني ومندمجه من شفته طخت براسي هاي هيه نفسه الي شفته بساحه التحرير هههه يعني هل خفه وقله الاخلاق جان لازم اعرفه من اول ماخذت رقمي

لا وشلون تباوعلي ماشاء الله لازم اخاف هله روحي بعد هل نضرات ههه

عشق

ضليت كاعده بغرفتي اضرب اسداس بلخماس وارها كلت اكيد هسه طلع من غرفه ساهر رحت ادو عل شاحنه لان تليفوني طافي

سمعت ساهر رجع حضرت روحي للهجمه اول مادخل ن*ديت بي كتله

عشق

بله انته تاخذ شاحنتي بله متكول شيسموهه وعايفني ووحدي بهل متكول شلون اعوف اختي

ساهر

كافي ولج كافي صوتج صدعتي راسي غضب الله عليج

شاحنتج انطيته لكرار يشحن بيه راح يحاجي اهله

ومعايفج وحدج كرار هنانه يمج ورحت اجيبله علاج

عشق

اهااا عبالي اتصل بدادي اخلي هو يصرف وياك

ساهر

لا بربج شو بلهة تصلي بي

عشق

لا فديتك اشاقه وياك جا اني شعندي غيرك

ساهر

ههههه هاي شنو شهل لهجه صايره بصراويه ماعرفتج

عشق

غير اني اموت بالبصرا اهله غير همه ينكرطون

ساهر

والله كمت اخاف عله كرار وهب لا تكرطيهم

عشق

كرار جنه ورد بي مجال اكرطه بس هذا الصهيوني لا يخوووف يمه

( من كلت الصهيوني عرفت ساهر راح يهجم عليه لان منبهني ماكول هيج عنه كبل داركت الوضع وكتله ) اقصد الشيييييخ وهب