Amythyst's POV
Hindi ko alam kung ano ang nakikita ni Haring Rio dahil kunot na kunot ang noo nito na para ngang may nakikita sa pangitaing si Jane lamang ang nakakaalam.
Makalipas ang ilang minuto ay inalis na ni Jane ang kamay niya. Habang ang mga mata naman ni Haring Rio ay tila hindi makapaniwala sa mga nakita.
"Sana ay naipahatid ko sa iyo ng malinaw ang aking pangitain. At sana ay mapag-isip-isip mo ang mga bagay na iyon Haring Rio," ang sabi ni Jane at umalis na doon.
Humakbang si Jane pabalik sa dating pwesto niya. Ngunit tumigil siya nang matapat siya sa akin.
"Hindi pabor sa akin ang mga nakita ko sa pangitain. Ngunit hindi mas papabor sa akin na hayaan kong may mangyaring hindi maganda sa mga oras na ito," sabi niya.
"Dahil ba ayaw mong makipaglaban si Zed?" tanong ko s
