Amythyst's POV
Ilang sandali bago ko naramdaman ang sarili ko na tinatahak ko na ang open field. Bahagyang naging lutang ang utak ko dahil sa yapos ni Zed kanina. Muli akong napabuntong hininga at pinilit na gawing natural ang kilos kahit na sobrang nanghihina parin ako.
Sinalubong ako ni Daddy sa open field. Nginitian niya ako. Tumugon naman ako.
"Mag-iingat ka, anak," sambit niya sa mahinang tinig.
"Opo, Dad," nakangiting sagot ko.
Lahat kami ay sinalubong nang ngiti at pagsuporta nang lahat ng mga estudyante ng Trojan Academy. Natuon lamang ang atensyon ko sa gitna nang field nang dumating si King Charles.
"Ngayon ang araw kung saan ang pitong napili sa paligsahan ang makakasama ng Master ng Spy na si Zed Deauville sa pagpasok ng Helio. Para mailigtas natin ang mga binihag ng
