NAGBIHIS SI Selestina ng simpleng asul na jeans at dilaw na blouse. Isinuot niya ang asul na sandals na halos bagong bago, lahat ng kasuotan ay ipinadala sa kanya ngayong umaga. Napatanong siya sa sarili kung paano nalaman ni Rogue ang lahat ng sukat niya.
Paglabas niya ng mansyon, binuksan agad ng guwardiya ang gate. Bilang asawa ng kanilang amo, walang tumutol. Libre siyang lumabas, kahit na alam niyang sa mata ni Rogue, siya ay parang ibong ikinulong sa hawla.
Nag-taxi siya patungong park. At pagdating doon, agad niyang nasilayan si Harold, nakaupo sa isang lumang bangko, abala sa pagmamasid sa paligid.
“Hey!” masiglang bati ni Selestina sabay yakap ng mahigpit. Halos maluha siya sa ginhawang dulot ng yakap na 'yon.
“Easy, bunny. May problema ba?” tanong ni Harold, nakakunot pa ang
