Literal na lakad takbo ang ginawa niya para lang makalabas ngunit hindi na niya inabutan si Raphael. Nakalayo na ang sasakyan nito kaya't naiinis siyang namewang.
"Mas maganda pa ako do'n," bulong niya sa hangin.
"Si Meloni ba, Hija? Di mo na 'yan malalayo kay Raphael," komento ni Yaya Lilit na kalalabas habang hawak sa kamay si Serenity.
"I'm gonna meet my new friends, Mommy!" nagagalak na imporma ng anak niya sa kanya.
Pilit siyang ngumiti kahit pa ang isip niya ay lumilipad sa kung ano ang ginagawa ni Raphael at ni Meloni sa sasakyan.
"Don't let them bully you, hm?" Hinaplos niya pa ang buhok nito na siyang kinasimangot ng bata.
"They are not bad, Mommy."
Maliit siyang ngumuso. Hindi naman kasi niya kinalakihan na maraming kalaro noong bata pa. Tanging Ate Courtney niya lang tala
