"M-ommy," nanginig ang boses niya sa kaba.
Hindi siya makaiwas ng tingin sa mariing titig nito sa kanya. Alam niya kung ano'ng posibleng iniisip nito ngayon.
"It's n-ot what you think, Mom," kinakabahang bigkas niya.
Pumirmi ang mga labi nito. Maingat nitong sinara ang pinto ng kwarto ng ate niya bago siya nilingon.
"Follow me, Crystal," may awtoridad na utos nito bago tumalikod at tumungo sa hagdan.
Napapikit siya nang mariin at napamura sa hangin. Hindi niya alam ang sasabihin dito. Ang puso niya ay kakawala na yata sa kaba. Pinisil niya ang mga kamay bago sumunod rito. Naroon na ito sa kusina at umiinom ng malamig na tubig. Binaba nito ang baso at tinuro ang upuan sa harap ng mesa.
"Sit down."
Nakayuko siyang sumunod. Lalo lang nag-init ang sulok ng mga mata niya sa sitwasyon. Of
