"Anong... sinasabi mo?" mahinang tanong ko, kinakabahan sa maaaring malaman.
Pinunasan niya ang kanyang mga luha. Nagtataka pa rin ang kanyang mukha. "A-ang sabi niya... ayaw mo na akong makita," nag iwas siya ng tingin. Ako naman ay hindi maintindihan ang kanyang mga sinasabi.
"Christian… kung sinisiraan mo lang si Ryan, pwede ba—"
"Hindi… hindi ko sya sinisiraan, Hazel," paulit-ulit siyang umiling.
"H-hindi kita maintindihan... hindi ko alam kung anong sinasabi mo," nangingilid na naman ang mga luha sa aking mata ngunit sinikap kong pigilan ito sa paglabas.
"Umuwi ako ng Ilocos bago sumapit ang birthday mo, pero wala ka na sa apartment... hinanap kita. Pumunta ako sa inyo, pero nang makasalubong ko si Ryan, pinigilan niya ako. Ang sabi niya, ayaw mo na akong makita. Ayaw mo na sa a
