Dumating ang araw ng pagbalik ni ate Bianca mula sa Maynila. Hindi namin ipinahalata ni Christian kung ano ang namamagitan sa aming dalawa. Pero syempre, hindi ko pa rin maiwasan na hindi makaramdam ng selos sa tuwing nakikita ko ang pagiging malambing nila sa isa’t isa.
Gayunpaman, pinaparamdam pa rin naman niya na importante ako. Tulad na lang ngayon, niyaya niya ‘kong lumabas dahil wala na naman si ate Bianca. Kahit kasi nakabalik na siya dito sa Ilocos, palagi pa rin siyang umaalis. Naiisip ko tuloy na baka nagkikita sila ni Victor kaya madalas siyang umaalis.
"Saan mo gustong kumain?" Tanong ni Christian habang nagmamaneho. Nakatuon ang kanyang mga mata sa daan.
"Ikaw ang bahala. Ayos lang naman sa akin kahit saan."
Tinanggal niya ang isang kamay niya sa manibela para hawakan an
