Pagdating pa lang namin ng Palawan ay wala ng inatupag si Calyx at Kiel kundi makipag kilala sa iba't ibang babae. Mga playboy talaga. Iniwan nila kami ni Ryan dito sa villa.
"Hindi man lang inayos ang mga dala nila," iling ko.
"Hayaan mo sila," sabi naman ni Ryan. Sumunod ako sa kanya sa pag akyat. Binuksan niya ang pintuan. Isa lang ang kwarto rito. "D’yan ka na matulog. Lagay lang namin mga gamit namin dito."
Nilingon ko ang loob ng kwarto. Malaki ang kama nito. Pwede ang tatlong tao. Tumingin ako kay Ryan, kunot ang noo. "Eh, kayo? Saan matutulog?"
"Sa baba. Sa sala na lang kami. Kasya naman kami dun."
"Paano yun? Isa lang ang sofa sa baba, eh."
"Bahala sila. Basta dun ako sa sofa. Sa sahig sila kung gusto nila," nagkibit balikat siya.
Ipinasok na namin ang mga gamit sa loob ng
