( Chapter 29 - Humanda siya. Maniningil na ako. )
Red's POV
Hindi na ako masasamahan ni Ayah ngayong araw na pumunta sa Korean Restaurant. Hindi na raw niya kayang mag-absent pa at wala na siyang pera. Papunta muna ako ngayon sa bahay nila. Gusto ko kasi siyang abutan ng pera. Alam kong kaya ito walang pera ay dahil nag-absent din siya dahil sa pagtulong sa amin noong nakaburol pa si Pinky.
Kubo lang ang bahay nila Ayah, pero may garden din sila sa harap. Nakakatuwa nga sa kanila dahil imbis na mga halaman ang nakatanim ay puro gulay ang naroon. Tiyak na malaking tulong iyon para sa pang-ulam nila sa araw-araw.
"Ayah?!"
Nagsimula na akong tumawag sa harap nila. Alam kong narito pa ito dahil 8 am kung pumasok ito sa beauty salon ni Madam Nixie. Mayamaya ay bumukas na ang pinto ng kubo
