NAGKATINGINAN sila ni d**k nang salubungin nila ang bisita. Tulak-tulak ni Flint si Daisy na nasa wheelchair.
There was an awkward moment that passed. Sa kanya nakatingin si Daisy. Nakatitig.
“Nice house, d**k,” puri ni Flint na bumasag sa sandaling katahimikan na iyon. “Arkitekto ka nga. Kitang-kita dito sa bahay mo, pare.”
“Salamat, pare,” ganti niya. “Ahm, Honey, ngayon mo pa lang sila mami-meet, di ba? Flint and Daisy.”
“We’re glad to meet you, Honey.” Nakipagkamay sa kanya ito bago bahagyang tinapik ang kamay ni Daisy. “Misis ko. Si Daisy.”
Ngumiti siya dito at saka nag-beso. “Nagkakilala din tayo.”
“Let’s talk,” sabi nito.
Tumikhim si d**k. “Naghanda itong misis ko ng espesyal na pananghalian. Pagsalu-saluhan muna natin.”
“Right,” ayon ni Flint na mas pinasigla ang boses. “M
