"Okay na po ba ito, Ninangskie? Ninongskie?" matatas na tanong ni Marikit kina Aarah at Erin.
Si Marikit ay ang apat na taong gulang na anak nina Clara at Bernard. At inaanak naman nilang dalawa ni Erin. Madaldal ito at matalino. Iyon nga lang ay may kapilyahan din. Paano hindi? Eh, lagi nilang tinuturuan ni Erin ng kung ano-anong kalokohan.
Pero si Aarah lang ang itinuturing ni Marikit na ninang. Ninong naman ang turing nito kay Erin. Sobra itong malapit sa kanilang dalawa dahil simula nang lumipat ng bahay si Clara, silang dalawa na ni Erin ang naging katuwang nito. Halos doon na nga sila tumira.
Ngunit si Erin ang mas madalas na maiwan. Kailangan din kasi ni Aarah na manatili sa tabi ni Bart dahil sa sitwasyon nito. Kaya hinahati niya ang oras kina Clara at Bart. Mabuti na lang at
