"Maraming salamat nga po pala sa pagligtas n'yo sa amin sa isla, mga sir, ha," buong sinseridad na sabi ni Aarah kina Nicolo at Reuben, bago sila umupo sa private airplane na sasakyan nila pauwi ng Pilipinas. "Hindi ko alam kung paano makakabawi sa inyo. Tatanawin ko po iyon na utang na loob, mga Sir."
"Walang ano man, Aarah," nakangiting sagot ni Nicolo. "Trabaho namin iyon na dapat tuparin. Kaya hindi mo kami kailangang bayaran. Masaya na kaming natupad namin nang maayos ang misyon namin."
"At sa wakas ay maiuwi kayo sa inyong pamilya," dugtong naman ni Reuben.
"Opo, Sir. Siguradong tuwang-tuwa nito ang pamilya ko. Kung gaano rin ako kasaya ngayon."
"Sa susunod ay mag-ingat na kayo, ha?" dagdag pa ni Nicolo. "Huwag na kayong magpakalat-kalat sa kalsada kapag gabi na. Lalo na kapag pu
