May bidding show ngayong gabi ang Black and White Agave dahil anniversary ng nightclub. Kaya bukod sa kanilang magkakaibigan, kasama rin nila ang halos buong grupo ni Bernard. Kapag ganitong okasyon kasi ay nagsasama-sama sa Agave ang halos lahat ng taga-underworld. At kapwa nila alam na hindi lahat ng mga taga-underworld ay magkakampi.
Kaya kailangan nilang maging handa at alerto kapag ganitong magkakasama ang lahat. Katulad na lang kapag nasa Cantulum sila. Kaya sandamakmak din ang mga kasama nila ni A para protektahan si Bernard.
Pagdating na pagdating nina A sa malawak na parking lot ng Black and White Agave Nightcub ay sumalubong sa kanila ang hile-hilerang magagara at mamahaling sasakyan. Kaniya-kaniya na ring puwesto sa paligid ng night club ang sigurado si A na mga tauhan ng baw
