Alas singko pa lang ng umaga ay nagising na si Aarah. Excited siya kasi aalis daw sila ni Clara ngayong araw para mamili ng mga gamit niya. Sasamahan daw sila ni Bernard.
Gusto rin ni Aarah na umalis sila ng mansiyon para makaiwas siya kay A. Simula kasi nang may mangyari noon sa kuwarto ni A ay lalo siyang nahirapang pakisamahan ang lalaki. Bukod sa nahihiya si Aarah, lagi pa rin siyang sinusungitan ni A. At hindi naman niya ito inuurungan. Matapang pa rin si Aarah na nakikipag-alaskahan sa lalaki. Hindi na lang niya sinabi kay Clara ang tungkol sa nangyari. Baka awayin pa nito si Bernard dahil sa kaibigan nito.
Nagpupunas ng basang buhok si Aarah nang mapasilip siya sa bintana. Napatago siya sa gilid nang makita niya si A na walang pang-itaas at abala sa pagpu-push up. Mukhang kanina p
