Sa ilang oras na pagbibiyahe nina Tiya Lupe at mga kasama nito ay nakarating din sila ng probinsiya. Inihatid na lamang sila ng sasakyan ng papa ni Kia hanggang sa looban ng kanilang baryo.
"Maraming salamat sa inyong kabutihan at paghahatid, Lucio at Celia. Mag-iingat kayo," pahabol pa ni Tiya Lupe.
Inakbayan siya ni Tiyo Bor at bago pumasok sa kanilang bahay ay inalo siya ng kaniyang asawa.
"Huwag mong masyadong dibdibin at isipin ang nangyari kay Fermie ha. Tutulungan na lamang natin siya sa pamamagitan ng dasal. May awa ang Diyos, Lupe, hindi Niya pababayaan ang iyong pamangkin," mahinahong sabi ni Tiyo Bor sa nalulungkot nitong asawa.
"Nahihiya ako, Bor dahil obligasyon ko sana na alagaan ang aking pamangkin. Obligasyon din sana natin na bilhin ang lahat ng mga gamot niya. Salama
