Tumunog na naman ang cellphone ni Kia. Binasa niya ang nilalaman ng kaniyang page. Nangiti na naman siya at parang excited ito. Mabilis siyang nag-reply at muling inilagay ang cellphone sa kaniyang lamesita sa loob ng kuwarto ng apartment. Malapit na naman ang kanilang closing at parang kailan lang. Ilang beses na rin silang umuuwi ng probinsiya ni Fermie. May pagkakataon namang pumupunta ng mansion si Fermie para makatulong sa mga gawain doon lalo na kapag semestral break.
“Naku Fermie, lalo ka yatang gumanda doon sa siyudad ah. Ang ganda-ganda mo na. ‘Di ba naalala mo noon ang sinabi ko na kung hindi lang mayaman ‘yong si Maam Mariz at maputi, mas maganda ka pa sa kaniya ‘yong bisita rito noon ni Maam Mildred. Pero alam mo kapag nakabihis ka ng damit pangmayaman…at aayusin lang nang kun
