"Bes, malapit na kami, may pinadaanan lang ako kay Aileen, kagaya na rin ng request mo, kaya dapat ready ka na rin pagdating namin diyan, ha? Para tuloy-tuloy na rin tayo." sambi ni Marie sa kabilang linya.
Umuwi sila ngayon ng Pilipinas upang dito na lang daw i-celebrate ang eighth birthday ng aking inaanak na si Von.
Panganay si Von sa tatlong magkakapatid na mga anak nina Kuya Daved at Marie. Isa rin ang batang iyon sa nakaranas ng paghihirap habang nasa sinapupunan pa lamang din noon ni Marie, marahil siguro nga'y talagang para sa kanila si Von, dahil sa kabila ng mga nangyari ay naisilang pa rin ito ng maayos ng aking kaibigan.
Limang buwan na rin ang lumipas. Pinilit kong tanggapin ang lahat at piliing umusad. Tama si Sarah, kailangan kong tanggapin ang lahat ng nangyari sa akin p
