"Uy, Ascella, nag-groupings na para sa research, ah. Nakapasok ka ba no'n?" Nilingon ko ang kaklase kong tumawag sa akin. Palabas pa lang ako ng room at kaka-dismiss lang sa amin ng last subject.
Ngumiti ako kay Sami. "Hindi nga ako nakapasok that time pero ayos na. Nakausap ko na si Prof."
Ngumiti naman siya pabalik at tumango-tango. "Ay, sige. Akala ko wala ka pang group. Kailangan pa namin ng isa, eh. By the way, ingat ka pauwi, ah."
"Yup. Thank you! Ingat ka rin."
Ngumiti lang siya ulit at nagpaalam na bago lumapit sa mga kaibigan niya. Napatingala naman ako sa langit. Medyo umiinit na ang panahon ngayon dahil malapit na ang summer.
Nanatili pa ako roon para makipag-usap sa mga kagrupo ko para sa research. Nang patapos na kami ay biglang nag-vibrate ang cellphone ko, senyales
