Manghang napatingin ako sa paligid nang makapasok kami sa lobby ng condominium. Dahil sa sobrang linis at kintab ng sahig ay makikita mula roon ang repleksiyon ng magarang chandelier.
Napalingon ako sa mga taong napapadaan ang tingin sa amin. Wait, alam ko namang masiyadong yammings ang mga nakatira rito, balita ko nga ay maraming artistang nakatira sa condo na 'to, eh, pero hindi ko alam na ganito pala talaga kagara ang lugar na 'to.
Lumipat ang tingin ko sa babaeng bumati kay Nathan. Pansin ko rin na binabati siya ng ilang mga receptionist. Hmm, I wonder, paanong kilala siya rito.
Hindi rin nakaligtas sa paningin ko ang tingin sa akin ng dalawang babae na bumati kay Nathan. Mayamaya pa ay bigla silang nagbulungan nang makatalikod kami. Mukhang hindi naman napansin ni Nathan o hindi n
