الفصل الثالث (3)🌸🌸🌸.
1228 Words
بعد انتهاء العمل ذهب أدهم إلي الجامعه ليقل حنين معه إلي المنزل و هو يتمني من كل قلبه أن تجمعه الصدفه مره أخري ب لارا صديقة حنين (لارا تلك الفتاه التي لم يراها الا مره واحده و لكنها تشغل تفكيره فهي هادئه و جميله و صوتها ناعم و ذو رنه مميزه فعندما نظر إليها دق قلبه بشده و اخذ يسأل نفسه اهو الحب من أول نظرة ام هو مجرد إعجاب سوف تبين الايام )استفاق من شرودة علي صوتها هي و اخته و هما تركبان السيارة و تلقيان عليه التحيه.
لارا (بإحراج):معلش يا أستاذ أدهم انا أسفه و الله انا كنت هاخد تا**ي بس حنين هي الي أصرت أني اجي معاكم.
أدهم (وهو سعيد أنها تحادثة):ايه الكلام ده يا انسه لارا تا**ي ايه انا كل يوم هجيلكم عشان ارجعكم البيت .(ثم تابع بجدية مزيفه)مفهوم.
حنين و لارا معاً:مفهوم.
و اخذ الثلاثة يضحكون بشدة و انطلق أدهم بالسيارة حتي أوصل لارا الي منزلها ثم انطلق هو و حنين إلي منزلهم.
حنين بارتباك:احم أدهم ياريت تعتذر لصاحبك علي الموقف السخيف الي حصل انا محروجه أوي من يومها ، بس انا أول مره اشوفه.
أدهم بعفوية:أيوة دا مروان صاحبي من أيام الجامعه قابلته في الشغل و عزمتة عندنا عشان عايش لوحده.
حنين (الله عايش لوحده يعني مش خاطب):و أهله فين .
أدهم :هو أصله من الصعيد بس هو جه الشركه هنا عشان عايز يعتمد علي نفسه بعيد عن أهله.
حنين( في نفسها هيح و كمان مكافح )
وظل أدهم و حنين يتحدثون بمواضيع مختلفه حتي وصلا الي المنزل . دلف كلاً من أدهم وحنين إلي منزلهم .
حنين و أدهم :السلام عليكم .
سلوي :عليكم السلام. انتم رجعتم يا حبايبي.
أدهم بمزاج:لأ لسه يا ماما .
سلوي :بتتريق عليا ياولد طب انا زعلانه منك.
أدهم(وهو يقبل رأسها ويدها):و انا مقدرش علي زعلك يا ست الكل. امال بابا فين.
سلوي:في البلكونه .
أدهم :طب انا هروح له علي ما الغدا يجهز.
سلوي: ثواني والأكل هيكون جاهز.
حنين :هغير هدومي بسرعة و اجي اساعدك يا ماما.
سلوي:ماشي ياحبيبتي غيري و حصليني.
ذهبت حنين إلي غرفتها و بدلت ثيابها وذهبت لكي تساعد والدتها في تحضير الطعام ووضعه علي الطاوله .
دخل أدهم إلي الشرفة لكي يجالس أبيه حتي تنتهي والدته واخته من تحضير الطعام مستغل انشغالهم لكي يفاتحة في موضوع حنين ومروان.
أدهم وهو يقبل رأس أبيه: ازيك يابابا عامل ايه.
صلاح:بخير الحمد لله أنت اخبارك ايه يا أدهم .
أدهم :كويس الحمد لله .بابا انا كنت عايز اكلمك حضرتك في موضوع.
صلاح :قول يابني خير .
أدهم :مروان صاحبي يابابا الي كنت عازمة هنا ايه رأيك فيه.
صلاح :شاب كويس ومحترم يابني ليه ماله.
أدهم:كلمني النهارده أنه عايز يخطب حنين و طلب مني اني ابلغ حضرتك و اطلب منك ميعاد.
صلاح:أيوة يابني بس احنا منعرفش حاجه عن أهله ولا نعرف عنه الي يخلينا نوافق عليه بعدين هو شاف حنين فين.
أدهم بارتباك: هو مشفهاش لسه هو طلب ميعاد يجي فيه لوحده يشوفها و تشوفه مجرد تعارف يعني و لو حصل قبول هيجيب أهله و يجي يطلبها رسمي.
صلاح:هشوف الموضوع ده مع سلوي و حنين و هرد عليك.
حنين:يلا يابابا يلا يا أدهم الأكل جاهز.
أدهم:يلا يابابا.
و بعد تناول الطعام ذهب كل واحد منهم إلي غرفته ليستريح قليلاً.
جلست حنين علي فراشها تتحدث مع لارا عبر الواتس.
لارا: نونا عاملة ايه يا بيبي
حنين :انتي هبله يابنتي انا لسه سيباكي من ساعتين.
لارا:وحشتيني يا ستي بلاش و لا ايه.
حنين بخبث:انا بردو الي وحشتك يا سوسه.
لارا:ياريتني ما قولتلك انتي هتسيحي ليا و لا ايه .
حنين :انتي قولتي ايه يابنتي غير أن دومي اخوكي ده يا نونا مز و جنتل و عنيه زي السما الصافيه و عملتي فيها لارا الجخ.
لارا :انا غلطانة اني بكلمك يا بتاعة صاحب اخوكي الي منعرفش اسمه ده.
حنين بهيام:مروان .
لارا باستغراب:مين ده الي مروان يابت.
حنين:صاحب أدهم الي منعرفش اسمه اسمه مروان هيح.
لارا (وهي تقلد حنين):مروان هيح ايه السهوكه دي يابت اجمدي كده.
حنين :معذورة اصل أنت ما شوفتيهوش و لا شوفتي عنيه حلوين اد إيه.
لارا:غوري يابت هتفقعي مرارتي .امال ايه كنت هموت من الاحراج و يارب يفقد الذاكرة.
حنين:مش معني إن الموقف كان زبالة و اني كنت اتمني الأرض تنشق و تبلعني إني أنكر أنه مز أخر حاجه .
لارا: و بتتريقي عليا اني معجبه بأخوكي، غوري يابت جاتك الأرف ماليتوا البلد.
أغلقت حنين وهي تضحك بشده علي صديقتها و تن*دت وهي تتذكر مروان فهي منذ ذلك الموقف وهي دائمة التفكير به .
........................... .............
في غرفة صلاح و سلوي
و قد حكي صلاح لسلوي ما أخبره به أدهم من رغبة مروان في طلب يد ابنتهم حنين.
سلوي:بس حنين لسه صغيرة يا صلاح ومش هتقدر توفق بين الجواز والدراسه .
صلاح:الولد كويس ومحترم يا سلوي واحنا مش دايمين ليها ماحدش ضامن عمره و عايز اطمن عليها .
سلوي بتأثر:ربنا يخليك لينا و ما يحرمنا منك و تفرح بأدهم و حنين و بأولادهم و بأولاد أولادهم .
صلاح: روحي لحنين افتحي معاها الموضوع و اعرفي رأيها وقولي لها أن رأيها هو الأهم و محدش هيتدخل في قرارها.
ذهبت سلوي إلي غرفة حنين و طرقت الباب و دخلت بعد أن أذنت لها حنين.
سلوي :بتعملي ايه يا حبيبتي .
حنين:مافيش يا ماما كنت بكلم لارا صاحبتي.
سلوي بحنان :كنت عايزه اكلمك في موضوع كدا بس عايزاكي تسمعيني للأخر.
حنين بإنتباه:إتفضلي يا ماما.
سلوي :انتي جالك عريس يا حبيبتي (ثم أكملت بعيون دامعه) مش قادره اصدق ان بنوتي الصغيرة كبرت وبقا بيجي ليها عرسان.
حنين:عريس ايه يا ماما أنا مش بفكر في الموضوع ده دلوقتي و بعدين هعمل ايه في دراستي دا انا لسه في أول سنة.
سلوي:اسمعيني بس للأخر أكيد سمعتي عن مروان صاحب أدهم أخوكي هو عايز يخطبك و طلب ميعاد يجي يتقدم لك .
حنين (بتردد مزيف):بس ياما هو لا يعرفني ولا أنا أعرفه .
سلوي:ماهو عشان كده طلب ميعاد يجي من غير أهله يقعد معاكي تشوفو بعض و تتكلموا تتعرفوا يعني مفيش حاجه رسمي الا لما انتي تقرري ها قولتي ايه.
حنين( بفرحه شديده):إنتي رأيك ايه يا ماما و بابا رأيه ايه.
سلوي :احنا رأينا أنه شاب محترم و انك تعطيله و تعطي لنفسك فرصه و بعدين القرار الأخير ليكي و محدش هيتدخل فيه.
حنين( وقلبها يكاد يطير من الفرحه)قالت ب**وف:خلاص يا ماما الي انتي و بابا شايفينه.
سلوي :خلاص هقول لأبوكي يحددله ميعاد. يلا يا حبيبتي نامي عشان جامعتك تصبحي علي خير يا حبيبتي.
وذهبت سلوي لتبلغ صلاح بموافقة حنين تاركة خلفها حنين تكاد تطير من السعادة و من أين يأتي النوم بعد هذا الخبر .
.........................
في غرفة سلوي وصلاح
صلاح:ها يا سلوي قولتي لحنين.
سلوي:ايوه و الحمد لله وافقت تقا**ه و تتكلم معاه الأول و بعدين تقرر.
صلاح :خلاص علي خيرة الله . معلش يا سلوي اعملي ليا فنجان قهوة و ابعتيلي أدهم.
سلوي:حاضر.
دقائق قليله و دق الباب
صلاح:أدخل يا أدهم.
أدهم :خير يابابا ماما قالتلي انك عايزني.
صلاح:أيوة انا عايزك عشان تبلغ مروان يشرفنا يوم الجمعه
أدهم بفرح:حاضر يابابا هبلغه عايز مني حاجه تانيه لأ شكرا يابني .تصبح علي خير
صلاح:و انت من أهله.
ذهب أدهم إلي غرفته و طلب مروان علي الهاتف
مروان:السلام عليكم .
أدهم : عليكم السلام .اخبارك ايه يا باشا.
مروان بلهفه:تمام الحمد لله ها عملت ايه في الموضوع حددت ليا ميعاد.
أدهم بمراوغة:كدا علي طول مافيش ازيك يا أدهم عامل ايه يا أدهم ولا أي حاجه.
مروان:اخلص يا غلس.
أدهم :افرح ياعم بابا بيقولك تشرفنا يوم الجمعه.
مروان:بجد يا أدهم.
أدهم بإبتسامه:طبعاً يابني بجد هي المواضيع دي فيها هزار.
مروان: عقبالك يا معلم.
أدهم وهو يتذكر لارا:قريب إن شاء الله. اسيبك بقا عشان تنام؛ تصبح علي خير.
مروان بفرحه:و انت من أهله.
أغلق مروان الهاتف وأخذ يردد في سعادة الحمد لله و أغمض عينيه يتذكر ملامحها التي أسرته من أول نظرة.
....................................
- Writer
