“IPADALA mo na lang sa laundry ‘yang mga damit mo kung tinatamad ka na naman labhan. Hindi kasama ang mga pang-bahay sa dry cleaning service,” sabi kay Baro ni Gian nang madatnan na naman siyang nakatunganga lang sa puno nang laundry basket niya.
“O, kaya manawagan ka sa TV, pauwiin mo na si Ate Florie kasi hindi mo na kayang maglaba ng mga damit mo,” gatol ni Charlie at tumawa ng malakas.
Tinapunan niya ng ito ng masamang tingin. “Nakakatawa ba?” seryosong tanong niya sa bunso ng grupo. “Nakakatawa ba na iniwan ako ng asawa ko?”
Ang kaninang pilyong ngiti ni Charlie ay napalitan ng kaseryosohan. “Sino ba ang may kasalanan?”
“Tigilan niyo ‘yan. Paglalaba lang ang pinag-uusapan kung saan-saan na naman kayo nakakarating,” saway ng lider nila.
“Akala niya kasi siya lang ang may pinagdada
