“MABUTI hindi itinanong ng host iyong tungkol sa mga issues na kumakalat tungkol sa Sproutoon,” sabi ni Gian, naglalakad na sila sa hallway ng pinanggalingang TV Show at papunta na sa dressing room.
“Na-filter na ni Manager ang scripts,” sabi ni Johann, kasama nito ang PA nitong si Karla.
“Kung naitanong ba ang tungkol sa eskandalo ng Johann-Woohyun, paano mo i-ha-handle?” tanong ni Baro sa main vocalist nila na si Johann.
“Sasabihin ko ang totoo,” walang pagdadawalang isip na sagot nito. “Na mas guwapo talaga ako kay Woohyun kaya ako ang pinili ni Rima.”
Mas naunang tumawa ang PA nito, ito kasi ang madalas na kasama ni Johann noon sa tuwing tatakas para makapunta kay Rima.
“Ikaw ba? Kapag itinanong sayo kung totoo ngang may secret wife ka? Aamin ka ba?” balik-tanong sa
