.
Kabanata 35
Julie Ann
Binalot ko nang maayos ang egg pie—‘yong special request ni Mark para sa girlfriend niya. Nilagyan ko pa ng pulang laso, kahit wala namang espesyal sa pagitan naming dalawa ngayon. Habang hinihila ko ang dulo ng tape para selyuhan ang kahon, ramdam ko ang bahagyang panginginig ng kamay ko. Hindi dahil malamig sa kusina. Kundi dahil ramdam ko pa rin... ako ‘yong nagluluto, pero siya ang may ibang niluluto sa puso niya.
Pagkatapos kong balutin iyon dinala ko iyon sa kaniya. Naroon siya sa gilid ng pool. May kausap sa cellphone. Nang makita niya na lumapit ako nagpaalam siya sa kung sinumang kausap niya.
Walang emosyon ang mga tingin niya sa akin.
“Ok na ‘to. Matutuwa na siguro ang girlfriend mo. Masarap 'to. Sigurado magugustuhan niya” sabi ko isinaksak ko sa
