GUSTO kong matawa nang makita ko ang reaksiyon ni Zoey. Halos sumabog ang tawa ko nang makita kong napahawak siya sa ulo niya at tila mahihimatay, pero agad na umurong ang tawa ko nang agad siyang daluhan ni Chaos at iginiya paupo sa sofa.
Palihim na naging matalim ang tingin ko sa kamay ni Chaos na nakahawak kay Zoey. Gusto kong hatakin siya palayo sa babae, pero pinipigilan ko lang ang sarili ko. Ayaw kong gumawa ng eksena at baka pagtalunan lang namin ‘to ni Chaos.
“What... what...” paulit-ulit na sambit ni Zoey, hindi maituloy ang sinasabi. Nakaupo na siya sa sofa pero gulantang pa rin sa nangyari.
Chaos sighed and stood up straight in front of Zoey. “We’ll talk later,” he said and turned to me. “Raileigh, magbihis ka muna.”
Pinagtaasan ko siya ng kilay. “And you? Wala kang balak n
