HINDI ko magawang makagalaw. Tuluyan na akong nabato sa kinatatayuan ko. Ramdam ko ang pagkalat ng matinding sakit sa buong sistema ko paakyat sa mga mata ko. Ramdam ko rin ang panlalambot at panginginig ng buong katawan ko.
Parang may kung anong sumasaksak sa akin ngayon habang pinagmamasdan silang tatlo. Ang bata ay nakayakap pa rin sa binti ni Chaos, habang si Zoey naman ay nakapulupot din sa kanya.
May namumuo ng ideya sa akin, pero ayaw ko lang tanggapin. Hindi magagawa sa akin ni Chaos ang ganoong bagay. But Serenity called him daddy!
“You’re too early, Chaos," ani Zoey nang pakawalan na niya si Chaos. Hindi siya tinugon ni Chaos. Blankong nakatingin lang ito sa akin.
Gusto kong ibuka ang bibig ko pero hindi ko magawa. Gusto kong magtanong pero natatakot ako sa maririnig kong sag
