Pabagsak na nahiga si Sky sa kama sa kaniyang kwarto. Iniisip pa rin ang mga nangyari kanina sa kaniya sa school. Kahit kasi anong gawin niyang pag-iisip ay hindi niya pa rin talaga maisip kung sino ang babaeng iyon at kung bakit nito iyon ginawa? Wala naman kasi siyang naaalalang may nakaalitan siya o ano, pakiramdam tuloy niya ay ang sama-sama niya. Hinawakan niya ang pisnging nasampal nito at naramdaman niya na mas masakit pa pala ang mapagbintangan sa bagay na hindi niya ginagawa kaysa sa sampal nito. Napasubsob na lang siya sa kaniyang unan. Muli na namang naglandas ang mga luha sa kaniyang pisngi. Naramdaman niya na lang ang paghaplos ng kung sino sa kaniyang buhok.
"Stop crying, Girl. Pumapangit ka," sabi nito habang patuloy sa paghimas ng kaniyang buhok.
"Kier? Kier!" Dahil
