NAGNININGNING ang kagandahan ng kanyang Ate Vivian. Lalong kuminis ang mamula-mulang kutis nito. Lalong higit na nagkaroon ng dahilan para taas-noo itong humarap sa mga tao. Lalo na’t may naka-spot na press.
“Congratulations, Miss Buenavista. You won the title as a famous fashion model in France.”
“Well, sa katunayan ito'y isang tagumpay para sa 'kin. At ito'y buong puso kong inaalay sa ating bansa.”
“May katotohanan ba ang aming nabalitaan, gusto mo na raw lumagay sa tahimik?”
“I think I have no comment on that.” Ngumiti nang ubod tamis si Vivian.
“Iyon ang nakasulat sa isang fashion magazines. According to our source, your fiancée is a millionaire.”
Nagsalubong ang kilay ni Vivian. Hindi nito pinagsisihan ang desisyon na tawagan ang isa sa pinakasikat na fashion magazine sa Pilipin
