MALALIM siyang humugot ng paghinga bago marahang tumango. “Tama ka. Kailangan ko talaga ng tulong mo.”
Tumikwas ang kilay ni Rochelle.
Sinimulan ni Jewel ikuwento sa kaibigan ang naging pag-uusap nilang mag-ina. Halo-halong emosyon naman ang nabasa niya sa mukha nito sa humihikbing paraan nang ipaliwanag kung bakit siya naroon at kailangan niya ng tulong nito.
“Hindi madaling gawin ang hinihiling ng nanay mo, Jewel. At hindi mo obligasyon na gawin 'yon!”
“Unawain mo naman ako, Rochelle…”
“Tsk!” pagigil na sabi nito. “Hanggang ngayon pala'y wala pa ring mabango sa nanay mo, kundi ang paborito at pinakamamahal niyang anak. Paano nila naatim na gawin kang alila? Napakamasunurin mong anak na ewan! Mabuti na lang at natuloy ang pag-aaral mo.”
“Pinilit ko, kahit napakahirap. Parang akong k
