DINALA ni Rochelle sa isang silid si Jewel.
“Anyone, your past customer, will do for me. Maliban sa bouncer security ng club na ito,”giit ni Jewel sa kaibigan.
Matagal na hindi kumibo si Rochelle. Malungkot na tinitigan siya sa mata na parang binabasa ang kalooban niya.
“Ikaw ba’y sigurado sa gusto mong mangyari?”
Tumikhim siya upang alisin ang anumang bumara sa kanyang lalamunan bago sumagot. “Yes. I am one hundred percent sure. Hindi magbabago ang desisyon ko.”
“Sa gagawin mo, sinasabi ko sa ‘yo, kailangan mong maging matatag at matapang. Ibig kong sabihin ang mga kahihinatnan. Baka umasa ka na pagkatapos ng larong gusto mong mangyari, lumuhod sa iyo ang lalaki para pakasalan ka.”
Para siyang ngumuya ng ampalaya sa pait ng ngiting bumalatay sa labi niya. Ngunit pilit ikinukubli ang
