NAPAKARAMING panunukso ang natanggap ni Red buhat sa mga kaibigan. May mga pagkakataon din na sinabihan siya ng babae na isa siyang ‘bakla’. Ngunit gayon pa man, hindi nagawang baguhin ng mga panunukso ang kanyang prinsipyo. Na, kung 'birhen'' ang babae sa unang gabi ng pulot-gata. Bakit hindi hayaang mangyari ang mga prinsipyong iyon sa isang lalaki?
Gusto niyang tulad sa babaeng pakakasalan niya–pareho silang birhen sa kanilang honeymoon night.
Kalokohan kung iisipin! Lalo na sa isang lalaking tulad niya na hindi nahuhuli sa kagwapuhan ng mga kaibigan kung pag-uusapan. Kung tutuusin, mas lamang siya sa mga ito. Hindi na niya kailangan pang pumunta sa fitness gym para lang magkaroon ng magandang hubog ng katawan. Patunay na isa siyang Collins. His origin.
Ngunit ang prinsipyong 'yon, n
