Dahan-dahan na nag-angat ng tingin si RJ nang marinig ang pagbukas ng pinto ng opisina niya. Napaayos siya ng upo nang makita ang nakatatandang kapatid na naglakad palapit sa harapan niya.
“Tumawag si Clarisse, nagpunta raw kanina si Luna sa company ng mga Pagalan. Muntik pa raw niya mabangga kasi biglang lumitaw sa harapan ng sasakyan niya,” bungad na wika ni Rafael na ngayon ay seryoso na nakatingin sa kanya.
Napabuntong hininga naman si RJ sa narinig at napasandal sa swivel chair kung saan siya napaupo. Marahan na hinilot niya ang sentido kasunod ng muling pagbuntong hininga.
“Akala ko maayos na ang issue niyo ng babaeng iyon?” dinig niyang wika pa ni Rafael kaya muli niya itong hinarap.
“Maayos na nga. Nagkausap na kami at pumayag na siya doon sa financial support na
