الفصل السادس
724 Words
الحلقه السادسه
?روايه?
هو والجميلات 2
?بقلم?
?سحر ف*ج?
سيف وملك استأذنوا من الام وطلعوا على اوضتهم علشان يستريحوا شويه علشان معرفوش يناموا طول الليل وهما فى المستشفى .
سيف قلع هدومه ودخل خد شور وخرج من الحمام لقى ملك نامت بهدومها من كتر التعب .
سيف .... ملك حبيبتى انتى نمتى.
ملك .... اه يا سيف سيبنى انام شويه .
سيف .... طيب غيرى هدومك ونامى براحتك .
ملك .... مش قادرة يا سيف هانام .
سيف .... ماشى يا حبيبتى وانا كمان هانام شويه وبعدين اروح على الشركه .
وفعلا نام الاتنين بعد ما سيف خدها فى حضنه .
يوسف كان نزل من الشركه ورجع على البيت ولقى مامته ونور لابسين ومجهزين نفسهم ورايحين على ملك .
الام .... اهلا يا حبيبى جيت بدرى يعنى .
يوسف ... ابدا يا ماما خلصنا الاجتماع وقولت ارجع علشان هسافر بكرة بدرى على الغردقه .
نور .... ايه ده بجد طيب نيجى معاك أنا وملك نغير جو شويه .
يوسف ... مش هينفع يا حبيبتى انا رايح علشان تسليم المشروع وفى حفله الشركه عملتها ومش هاكون فاضى ليكم خالص .
الام .... مفيهاش حاجه يا يوسف خد نور وسيبولى مليكه الكام يوم دول بتوع السفر وانتم غيروا جو براحتكوا .
يوسف .... يا ماما بقولك مش هاكون فاضى خالص الكام يوم دول .
نور .... وحياتى يا يوسف خدنى معاك انا زهقانه خالص .
يوسف .... ماشى يا ستى بس خلى مليكه مع ماما لحد ما نيجى .
نور .... انا خايفه لتتعب ماما .
الام .... ولا يهمك يا حبيبتى روحوا انتم وانبسطوا وسيبولى الانسه مليكه انا وهى بنعرف نتصرف مع بعضنا .
نور جريت عليها وباستها وقالت ربنا ما يحرمنا منك يا ست الكل .
يوسف ... انتم رايحين على فين كده .
الام ... ملك خرجت من المستشفى واحنا رايحين لها انا ونور .
يوسف .... ماشى سلموا عليها وانا لما انام شويه هابقى اجيلكم على هناك علشان اطمن عليها .
نور ... ماشى يا حبيبى يالا سلام .
يوسف .... هاتي بوسه يا مليكه وحشانى يا قلبى .
نور .... مليكه بس يا استاذ يوسف ولا ايه ؟؟
يوسف ... هو انا اقدر لا طبعا مليكه وام مليكه يا حبيبتى .
الام ... يالا يا نور مش وقت الحب بتاعكم ده عاوزة اروح لملك .
مشيوا الاتنين والسواق وصلهم وراحوا على بيت ملك .
_______________
خالد ومى كانوا وصلوا على الفندق اللى هاينزلوا فيه وطلعوا على اوضتهم .
خالد ..... وحشتينى مووووووت يا حبيبتى.
مى .... انت كمان يا حبيبى .
خالد ... طيب يالا ?
مى ... يالا ايه ؟
خالد ... يالا نبدا شهر العسل بتاعنا .
مى ... ايه ده هاننزل نتفسح .
خالد .... نعم يا اختى !
مى ... ايوا اومال احنا جينا الغردقه
ليه مش علشان نقضى شهر العسل وخروجات وكده .
خالد ... ايوا اد*كى قولتى .
خروجات وهانخرج وهالففك الغردقه كلها .
وشهر العسل هانعمل فيه ايه ؟
مى .... هنعمل ايه ؟
خالد ... تعالى بقى وانا هقولك هنعمل ايه .
مى .... خالد .
اعقل يا مجنون .
خالد .. انا فعلا مجنون بس مجنون بيكى يا حبيبتى .
مى .... بجد يا خالد .
خالد ... بجد يا عيون خالد .
قرب منها خالد وشالها وحس برجفه جسمها ودقات قلبها العاليه .
حطها على السرير وبدأ يلمس كل منحنيات جسمها بشويش جدا وقرب من شفايفها وباسها بوسه بدل على عشقه وحبه ليها وكلها شوق ولهفه .
وراحوا فى عالم تانى يقضوا فيه شهر العسل بتاعهم بدون ما يزعجهم حد .
نور وحماتها كانوا وصلوا على بيت ملك اللى كانت فى استقبالهم ورحبت بيهم وخدت مليكه وفضلت تبوس فيها .
الام ... عامله ايه يا حبيبه قلبي دلوقتى .
ملك ... الحمد لله يا ماما افضل بكتير وهامشى على العلاج طول فترة الحمل .
الام ... الاهم من كده اتغذى كويس وكلى حاجات فيها فيتامينات ومعادن وكالسيوم كتير علشان صحه البيبى تكون كويسه .
نور ... فعلا يا ملك لازم تتغذى كويس علشان صحه البيبى .
سيف كان نزل من فوق بعد ما لبس هدومه وكان رايح على الشركه .
نزل وسلم عليهم وخد مليكه وباسها واستاذن علشان يروح على الشركه علشان مفيش حد غير ابوا خالد بس هناك وطبعا خالد بيقضى شهر العسل .
وطلب من ملك انها تطلب من الطباخ أنه يجهز عشاء للكل علشان مامتها ونور .
وقال انا هايصل بيوسف وباباه ويتعشوا كلهم مع بعض .
ملك .... وااااااو. فكرة حلوة يا حبيبى وقامت حضناه و بيساه من خده .
نور عنيها كانت عليهم وعلى معامله سيف الحلوة لملك وكانت مستغربه ان فى الفترة القصيرة دى معقوله لحق يحب ملك .
وفجاه عيون سيف جت فى عيون نور وحس انها سرحت فى اللى عملته ملك ليه .
بس استأذن ومشى وشال التفكير ده خالص من دماغه .
وقال لنفسه انه فعلا بدأ يحب ملك وزاد الحب اكتر بعد ما عرف موضوع الحمل ده .
ايه رايكم ؟؟؟
ويا ترى تواقعتكم ايه فى الايام القادمه ؟؟؟
ياريت متابعه صفحتى على موقع دريمى ليصلكم كل جديد فور نزوله
روايه هو والجميلات الجزء التانى
بقلمى سحر ف*ج
??????????????????
______________
- Writer
